У няўрадавыя арганізацыі зноў прыйшлі сілавікі з ператрусамі
Сёння, 15 ліпеня, у няўрадавыя арганізацыі зноў прыйшлі з ператрусамі, паведамляе газета «Беларусы і рынак»
Фота з сайта belmarket.by
У офісе беларускай грамадскай арганізацыі «Гавары праўду» адбываецца ператрус. Пра гэта паведаміў сустаршыня арганізацыі, кандыдат на прэзідэнцкіх выбарах–2020 Андрэй Дзмітрыеў. Цяпер у офісе знаходзіцца экс-кандыдат у прэзідэнты на выбарах 2015 года Таццяна Караткевіч.
Сілавікі таксама прыйшлі з ператрусам да кіраўніцтва цэнтра «Грамадзянскі форум». Ператрусы прайшлі па месцы жыхарства старшыні цэнтра Маргарыты Савіцкай і яе намесніка Ігара Нікіціна. У іх забралі ўсю тэхніку.
Ператрус прайшоў і ў Таварыстве беларускай мовы.
«Ператрус у офісе скончыўся. Аргтэхніку забралі», — распавяла старшыня ТБМ, экс-дэпутатка Алена Анісім на сваёй старонцы ў Facebook.