Мінюст пачаў пазапланавую праверку «Гавары праўду»

Міністэрства юстыцыі пачало пазапланавую праверку грамадскага аб’яднання «Гавары праўду». Адпаведны заказны ліст ад Мінюста быў атрыманы 13 ліпеня.

Ад «Гавары праўду» патрабуецца 14 ліпеня (менш, чым за суткі з моманту атрымання ліста) прадаставіць сотні дакументаў, піша REFORM.by са спасылкай на паведамленне арганізацыі ў Twitter.

Мінюст пачаў пазапланавыя праверкі некалькіх грамадскіх аб’яднанняў і арганізацый. Вядома, што з праверкамі прыйшлі ў «Саюз беларускіх пісьменнікаў», «Трэці сектар», «Згуртаванне беларусаў свету “Бацькаўшчына”», «Звяно», БАЖ, «Беларускі ПЭН-цэнтр», Рух «За Свабоду», «Экадом».