У Румыніі перакуліўся аўтобус з дзецьмі з Беларусі: 17 чалавек пацярпелі

У Румыніі аўтобус з беларускімі дзецьмі вылецеў у кювет і перакуліўся. Дзеці са Жлобінскага раёна ехалі на адпачынак у Балгарыю.



Фатаграфіі з месца аварыі з'явіліся ў супольнасці «Добры Жлобін» у «УКантакце». Паводле інфармацыі мясцовых СМІ, аварыя адбылася 8 ліпеня, каля 21.30, паблізу горада Сучава. Кіроўца аўтобуса не справіўся з кіраваннем, у выніку чаго транспартны сродак вылецеў у кювет і перакулілася. У аўтобусе знаходзіліся 50 чалавек: 43 дзіцяці і сем дарослых.

У выніку ДТЗ 16 дзяцей і адзін дарослы атрымалі траўмы і былі дастаўленыя ў бальніцу. Паведамляецца, што сур'ёзных траўмаў ніхто не атрымаў.

Паводле папярэдняй інфармацыі, аўтобус вёз дзяцей са Жлобінскага раёна на адпачынак у Балгарыю.

Як паведаміў БЕЛТА прэс-сакратар МЗС Беларусі Анатоль Глаз, пасля ДТЗ медыцынскае абследаванне спатрэбілася 19 грамадзянам, у тым ліку 17 дзецям. Астатнім чальцам групы дапамога не спатрэбілася. Падчас медагляду траўмаў, якія пагражаюць жыццю і здароўю пацярпелых, не выяўлена. Усе пацярпелыя ўжо выпісаныя з медыцынскай установы.

Амбасада Беларусі ў Румыніі знаходзіцца ў пастаянным кантакце з мясцовымі ўладамі, бацькамі і суправаджаючымі дзяцей.

Паводле tut.by