За адсутнасць масак у транспарце могуць пачаць штрафаваць

У Беларусі могуць пачаць штрафаваць тых, у каго не будзе масак у грамадскім транспарце, піша belmarket.by.

Пра гэта паведаміў у эфіры канала "Беларусь 1" намеснік міністра аховы здароўя — галоўны дзяржаўны санітарны лекар Беларусі Аляксандр Тарасенка.

"Літаральна на мінулым тыдні праводзілі працоўную сустрэчу з кіраўніцтвам Міністэрства транспарту і камунікацый. Нас турбуе становішча спраў у грамадскім транспарце. Гэта адно з тых грамадскіх месцаў, дзе можна інфікавацца. Набліжаецца момант, калі і метадам адміністрацыйных спагнанняў будзем караць за адсутнасць медыцынскіх масак або павязак. Дыстанцыю ў транспарце выканаць складана, але ў Мінтранса на гэты конт ёсць рэкамендацыі — аб павелічэнні кратнасці маршрутаў у гадзіну пік", — заявіў ён.

Нагадаем, у Беларусь прыйшла чацвёртая хваля каронавіруса — паводле афіцыйнай статыстыкі, з пачатку верасня ў краіне фіксуецца рост колькасці выпадкаў інфекцыі — амаль 2000 штодня.