За перадвыбарчыя пікеты Рамана Ганчарова выклікаюць у міліцыю
Раман Ганчароў быў вылучэнцам ствараемай партыі БХД падчас мясцовай выбарчай кампаніі 2018 года. Ён актыўна праводзіў сваю кампанію ў Маладзечне, у тым ліку праводзіў шмат пікетаў.
Як паведамляе прэсавая служба БХД, у панядзелак, 26 лютага, Раман Ганчароў атрымаў паведамленне на тэлефон:
"Раман Мікалаевіч, вам неабходна з'явіцца ў Маладзечанскага РАУС: г.Маладзечна, вул. Галіцкага, 23, да 10:00 2018/02/26 для апытання вас у якасці асобы ў адносінах да якой вядзецца адміністрацыйны працэс па ст.24.34 КаАП Рэспублікі Беларусь"
"Супрацоўнік міліцыі прыходзіў учора да мяне дадому, каб правесці мяне з ім у РАУС для дачы паказанняў па агітацыі на пікетах каля Еўраопта. Важна адзначыць, што пікет адбываўся паводле выбарчага заканадаўства і своечасова за два дні быў пра гэта апавешчаны Маладзечанскі райвыканкам. Лічу што такія дзеянні міліцыі скіраваныя на тое, каб напалохаць маю сям'ю, паказаць, хто тут гаспадар. Нас такімі справамі не спалохаць. Будзем змагацца! Жыве Беларусь!" — адзначыў адзін з лідэраў БХД па Мінскай вобласці Раман Ганчароў.