Затрыманы журналіст «Трыбуны» Дзмітрый Руто. Яго абвінавачваюць у незаконным пікетаванні

Сёння раніцай у Мінску затрыманы журналіст спартыўнага партала Tribuna.com Дзмітрый Руто. Падставы для затрымання — у аўто Дзмітрыя быў футбольны шалік, на якім прысутнічаюць белыя і чырвоныя колеры, паведамляе «Трыбуна».

Журналіста абвінавачваюць у незаконным пікетаванні па артыкуле 24.23 Кодэкса аб адміністрацыйных правапарушэннях («Парушэнне парадку арганізацыі або правядзення масавых мерапрыемстваў»). Дадзены артыкул прадугледжвае пакаранне ў выглядзе штрафу, грамадскіх работ або арышту.

Журналіст дастаўлены ў Кастрычніцкі РАУС Мінска, складаецца пратакол.