Жыхары Мінска падчас сённяшніх пратэстаў усклалі кветкі да мемарыяла Аляксандра Тарайкоўскага

Ланцуг салідарнасці паўстаў каля метро Пушкінская.

Сёння каля станцыі метро Пушкінская мінчане зладзілі ланцуг салідарнасці. Падчас стаяння людзі вырашылі ўскласці кветкі на месцы гібелі Аляксандра Тарайкоўскага. Машыны сігналілі пратэстоўцам, сведчыць «Свабода».

Аляксандра Тарайкоўскі загінуў у першыя дні пратэсту ад кулі супрацоўніка сілавых органаў. Крымінальная справа па факце здарэння дагэтуль не ўзбуджана.