Шведскія пісьменнікі раскажуць пра нон-фікшн у Мінску — 4 і 5 сакавіка

Семінары з удзелам сябраў Шведскага саюза пісьменнікаў Генрыка Бергрэна, Катарыны Б’ярвал і Анэт Розэнгрэн, прысвечаныя літаратуры нон-фікшн, пройдуць у Мінску 4 і 5 сакавіка. Арганізуе сустрэчы ГА «Саюз беларускіх пісьменнікаў». Уваход вольны.



У сераду, 4 сакавіка, адбудзецца абмеркаванне тэмы “Сацыяльна-культурная праблематыка ў літаратуры нон-фікшн і журналістыцы Швецыі і Беларусі”. Месца: кнігарня “ЛогвінаЎ” (пр. Незалежнасці, 37а). Пачатак у 18.30.  

У чацвер, 5 сакавіка, пройдзе семінар “Біяграфічная літаратура ў Швецыі і Беларусі”. Месца: галерэя “Ў” (пр. Незалежнасці, 37а).  Пачатак у 18.00.

Мова — англійская (з перакладам на беларускую).

Любы жадаючы зможа задаць пытанні гасцям.

Пра аўтараў:

Генрык Бергрэн — гісторык, журналіст, спецыялізуецца ў біяграфістыцы, аўтар біяграфіі прэм’ер-міністра Швецыі Улафа Пальме.

Катарына Б’ярвал — журналістка, займаецца вывучэннем культуры спажывальніцтва.

Анэт Розенгрэн — старшыня секцыі нон-фікшн Шведскага саюза пісьменнікаў, этнолаг, займаецца пытаннямі сацыяльнай ізаляцыі і міграцыі, асновай яе матэрыялаў нярэдка з’яўляюцца асабістыя гісторыі людзей.

Прэс-служба ГА “Саюз беларускіх пісьменнікаў”, lit-bel.org