Агнешка Казлоўска-Раевіч: Патрабаванні беларускай апазіцыі выглядаюць нерэальнымі

«Еўразвяз можа жадаць, чакаць, апеляваць ці падтрымліваць, але не мы адказваем за рэпрэсіі палітычна нязгодных у Беларусі», — заявіла віцэ-старшыня рабочай групы па Беларусі ў Еўранэсце Агнешка Казлоўска-Раевіч.



«Таму патрабаванні беларускай апазіцыі нешта зрабіць, каб вызвалілі палітвязняў выглядаюць нерэальнымі, — адзначае палітык. — Мы можам выкарыстоўваць розныя дыпламатычны спосабы, каб змяніць дадзеную сітуацыю. Але мы не маем упэўненасці, што гэта адбудзецца. Спадзяванні зрабіць нешта, каб Лукашэнка не ўдзельнічаў у выбарах, нерэальныя, бо гэта справа беларускага грамадства». 

«Рэфармаваная эканамічна і грамадска Беларусь — менавіта такі партнёр з’яўляецца пажаданым для Захаду», — падкрэслівае Агнешка Казловска-Раевіч.

Таму Еўразвяз, па яе словах, падтрымлівае ўсялякія ініцыятывы, скіраваныя на пабудову больш дэмакратычнай, грамадзянскай і проста мацнейшай Беларусі.

Антон Разумоўскі, Беларускае Радыё Рацыя

Фота Agencja Gazeta