Гарбачоў: Пуцін пачынае лічыць сябе Богам

Былы прэзідэнт СССР Міхаіл Гарбачоў лічыць, што прэзідэнт Расіі Уладзімір Пуцін пачынае хварэць на празмерную самаўпэўненасць і лічыць сябе Богам.



Калаж Андрэя Будаева
Пра гэта заявіў Гарбачоў падчас прэзентацыі сваёй новай кнігі «Пасля Крамля» у Маскве ў чацвер.
«У нас ёсць прэзідэнт Пуцін, сфармаваўся. Мне здаецца, што ён пачынае хварэць той жа хваробай, што і я калісці хварэў  — празмернай самаўпэўненасцю. І ўсё, што кажуць, не мае значэння: ён ужо Бог, ці, па меншай меры, намеснік Бога — па якіх пытаннях, не ведаю», — сказаў ён.
На думку Гарбачова, «моцная дзяржава — дэмакратычная дзяржава». Ён упэўнены, што моцная дзяржава не можа разганяць апазіцыйныя мітынгі, а калі так робіцца, то гэта прыкмета бяссілля.
Пры гэтым ён адзначыў, што Пуцін шмат зрабіў для выратавання Расіі ад распаду пасля прэзідэнцтва Барыса Ельцына.
«Вялікую ролю ў стабілізацыі сітуацыі пасля Ельцына сыграў Пуцін: па сутнасці, гаворка ішла пра тое, каб выратаваць ад распаду Расію», — падкрэсліў ён, дадаўшы, што пры гэтым ужываліся «аўтарытарныя метады».
ukrinform.ua