Хрысціянскія дэмакраты патрабуюць забараніць продаж алкаголю на выбарчых участках

«Толькі п’яная краіна можа галасаваць за такую ўладу», — падкрэсліла прамоўца Беларускай хрысціянскай дэмакратыі Марына Хоміч.

www.intex-press.by



Мінскія прамоўцы Беларускай хрысціянскай дэмакратыі, лідары Хрысціянска-дэмакратычнага руху Вольга Кавалькова і Маладых хрысціянскіх дэмакратаў Марына Хоміч 2 верасня перадалі ў межах кампаніі “Абаронім нашых дзяцей ад алкаголю” ў Мінгарывыканкам 500 подпісаў за забарону продажу алкагольных напояў на ўчастках для галасавання і за 500 метраў ад іх.

Подпісы збіраліся падчас пікетаў прамоўцаў БХД.

“У ніводнай цывілізаванай краіне на выбарчых участках не прадаюць алкаголь. У Нарвегіі ўвогуле ў дзень выбараў забаронены продаж алкаголю. І Беларусь таксама павінна імкнуцца да таго, каб грамадзяне рабілі цвярозы выбар. Заканадаўства забараняе продаж алкаголю ў школах, дзе часцей за ўсё знаходзяцца выбарчыя ўчасткі, але падчас выбараў мясцовыя выканкамы дазваляюць гэты продаж. Мы лічым, што гэта павінна быць забаронена”, — адзначыла Вольга Кавалькова.

“Толькі п’яная краіна можа галасаваць за такую ўладу”, — падкрэсліла Марына Хоміч.


bchd.info

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: