Гуманітарныя калідоры ў Марыупалі і Валнавасе: колькі людзей эвакуююць

Віцэ-прэм'ер Украіны Ірына Верашчук расказала падрабязнасці пра эвакуацыю насельніцтва з Марыупаля і Валнавахі 5 сакавіка.

5 сакавіка ў Данецкай вобласці арганізуюць гуманітарныя калідоры ў гарады Марыупаль і Валнаваха. Частку насельніцтва гарадоў эвакуююць, а таксама даставяць прадукты харчавання і медыкаменты.
Міністарка па пытаннях рэінтэграцыі часова акупаваных тэрыторый Ірына Верашчук распавяла, як будуць дзейнічаць гуманітарныя калідоры і колькі людзей можна вывезці.
Гуманітарныя калідоры ў Марыупаль і Валнаваху адкрываюцца з 9:00. Пасярэднікам будзе арганізацыя «Чырвоны Крыж», яна таксама гарантуе рэжым спынення агню. Гатоўнасць правесці гуманітарны калідор пацвердзіла РФ.
Маршрут эвакуацыі і дастаўкі гуманітарнага грузу ў Марыупаль: Марыупаль — Нікольскае — Розыўка — Більмак — Палогы — Арэхаў — Запарожжа. Плануецца вывезці каля 200 тысяч чалавек.
Маршрут гуманітарнага калідора з Валнавахі: Валнаваха — Валяр'янаўка — Новаандрэеўка — Кірылаўка — Угледар — Пакроўск — Запарожжа.
Пункты збору — цэнтральныя плошчы Валнавахі і Марыупаля. «Чырвоны Крыж» узначаліць калоны, якія будуць рухацца па маршрутах калідораў.
Ірына Верашчук падзякавала ўсім валанцёрам, якія дамагліся арганізацыі гуманітарных калідораў. Яна таксама папрасіла войскі РФ прытрымлівацца рэжыму спынення агню і дазволіць эвакуіраваць людзей, бо за гэтым назірае ўвесь свет.