Канапацкая прыедзе ў Слонім, каб гутарыць пра «дармаедаў»

У пятніцу, 16 лютага, у Слонім прыедзе дэпутат Палаты прадстаўнікоў Ганна Канапацкая. Пра гэта Радыё Рацыі паведаміў адзін з кандыдатаў у дэпутаты Слонімскага раённага Савета дэпутатаў, сябра Слонімскага згуртавання дэмакратычных сіл Алесь Масюк.

Па словах Алеся Масюка, дэпутат Ганна Канапацкая з’яўляецца даверанай асобай сяброў Слонімскага згуртавання дэмакратычных сіл, кандыдатаў у дэпутаты Віктара Марчыка, Паўла Севасцьяна, Міхаіла Сашко, Дзмітрыя Пятруціка і Алеся Масюка.
Сустрэча адбудзецца ў Слонімскім цэнтры культуры, дзе кандыдаты ў дэпутаты сустрэнуцца з выбаршчыкамі.
Падчас сустрэчы дэпутат Ганна Канапацкая і кандыдаты ў дэпутаты Слонімскага раённага Савета дэпутатаў будуць гутарыць пра сённяшні стан эканомікі ў Беларусі, пра рабочыя месцы і заробак, пра адноўлены дэкрэт пра дармаедаў, абмяроўваць іншыя жыццёвыя пытанні, а таксама адкажуць на пытанні выбаршчыкаў.