Карпянкоў: Апазіцыянеры за мяжой — шалёныя сабакі, якія заслугоўваюць толькі аднаго — смерці

Былы кіраўнік ГУБАЗІКаў, а зараз той, хто з'яўляецца намеснікам у МУС, зрабіў заявы, якія яшчэ будуць узгаданыя пазней.

Азаронак сфармуляваў пытанне Карпянкову на прапагандысцкім канале наступным чынам:

«Яны першапачаткова такімі былі, нашы апаненты, ці яны за мяжой пад камандай спецслужбаў заходніх проста дэградавалі да адкрытых нацыстаў і вар’ятаў?»

«Яны ашалелі і дэградавалі на фоне ўсяго таго, што адбываецца. Ад іх усё больш і больш патрабуецца нейкіх славесных бравад, подзвігаў. І яны ўсё больш і больш сябе ў гэтай справе, у гэтай утрапёнасці  пераўзыходзяць. Чартаўшчына, рэальная д’ябальшчына. Бо ўсе сімвалы, якія там ёсць, яны сатанінскія. І ў іх настолькі ўсяліўся д’ябал, што яны рэальна шалёныя сабакі. Рэальна шалёныя сабакі, якія заслугоўваюць толькі аднаго — смерці», — адказаў Карпянкоў.

Ён заявіў, што «разважлівая апазіцыя» не падтрымае заклікі «зайсці на тэрыторыю Рэспублікі Беларусь, учыніць тут вайну, пачаць пераможны паход па вызваленне».


Карпянкоў спаслаўся на атрыманне гэтай інфармацыі праз «пэўны апарат» і «пэўную сувязь».

Карпянкоў выказаўся і пра амністыю, якую збіраўся праводзіць Лукашэнка. Ён чакае, што гэта «кансалідуе і згуртуе».


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: