Леанід Неўзлін: Расія ўсё больш нагадвае Ірак 1990-х гадоў

Расійска-ізраільскі бізнесовец і грамадскі дзеяч Леанід Неўзлін параўноўвае сённяшнюю пуцінскую Расію і Ірак часоў Садама Хусейна. І знаходзіць, што сёння ў іх шмат агульнага.


— Сёння Расія ўсё больш нагадвае Ірак 90-х гадоў, краіну, выключаную з нармальнага свету, з якой справу мелі роўна настолькі, наколькі гэтага зусім нельга было пазбегнуць, — піша Неўзлін.

Паміж уварваннем Садама Хусейна ў Кувейт і канчатковым крахам яго рэжыму прайшло 13 гадоў. Але ж тады, познім летам 1990 года, ніхто і выказаць здагадку не мог, што вайсковая авантура звычайнага блізкаўсходняга дыктатара прывядзе да такіх глабальных наступстваў і для краіны, і для яго самога.

Хоць ужо з першых месяцаў пасля ўварвання было ясна, што Ірак стараннямі свайго кіраўніка выкінуты з нармальнага жыцця і вылучаны светам у спецыяльны фармат. Сутнасць якога — санацыя рэжыму настолькі моцная, каб ён не мог назапасіць сілы для новай агрэсіі. Хаця б для пачатку.

І сімвалам гэтага стала праграма «Нафта ў абмен на харчаванне», задуманая з выключна добрымі мэтамі, а рэалізаваная «як заўсёды».

І сёння падаецца, што падступае час рэінкарнацыі гэтага праекта. Але свету варта памятаць, што ён быў пачаты толькі пасля таго, як была спыненая агрэсія, і Садама выкінулі з Кувейта.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: