«Макей, Алейнік — без розніцы. Новы кіраўнік МЗС будзе дбаць выключна пра бяспеку і інтарэсы Лукашэнкі»
Намеснік кіраўніка Аб'*днанага Пераходнага Кабінета былы дыпламат Валерый Кавалеўскі пракаментаваў прызначэнне Сяргея Алейніка на пасаду міністра замежных спраў.
— Перадусім, гэты ўрад — нелегітымны, — адзначыў Валерый Кавалеўскі. — Такія прызначэнні —
незаконныя. І ў дадзенай сітуацыі такую пасаду магла заняць толькі тая асоба,
якая адпавядае тром патрабаванням рэжыму:
— падтрымлівае рэпрэсіі супраць беларусаў;
— падтрымлівае ўдзел Беларусі ў агрэсіі РФ супраць Украіны;
— падтрымлівае далейшую акупацыю Расіяй нашай краіны.
Таму няма розніцы, хто будзе на гэтым месцы. Прызначыць
могуць толькі таго, хто будзе абараняць інтарэсы адной карумпаванай асобы, а не
народа. Новапрызначаны чыноўнік, як і Макей, працягне ў межах сваіх прафесійных
абавязкаў дбаць пра бяспеку і інтарэсы Лукашэнкі, ахвяруючы бяспекай і
нацыянальнымі інтарэсамі беларусаў».
Сяргей Алейнік быў прызначаны кіраўніком МЗС 13 снежня. Ён замяніў на гэтай пасадзе Уладзіміра Макея, які раптоўна памёр 26 лістапада.
