Паслоў Беларусі і Расіі не запрасілі на памятную цырымонію ў Хірасіму

Хірасіма вырашыла не пасылаць запрашэнні на цырымонію, прысвечаную 77-годдзю гадавіны атамнай бамбардзіроўкі горада, прэзідэнту Расіі і расійскаму і беларускаму паслам, паведаміла агенцтва Кіёда.
 Мемарыял міру ў Хірасіме. Фота wikiway.com

 Мемарыял міру ў Хірасіме. Фота wikiway.com

Звычайна на цырымонію запрашаюцца лідары ядзерных дзяржаў і паслы ўсіх краін. У гэтым годзе, па прызнанні аднаго з арганізатараў ад мэрыі, былі планы паслаць запрашэнне расійскаму прэзідэнту, але па патрабаванні ўрада вырашылі гэтага не рабіць. Запрашэнне не атрымае таксама і амбасадар Беларусі.

"Гэта нагода заклікаць да міру, але калі ад іншых краін рушаць услед пратэсты, то будзе ўжо не да малітваў. Калі сітуацыя палепшыцца, запрашэнні будуць дасланыя", — прыводзіць агенцтва словы адказнага супрацоўніка муніцыпалітэта.

Сёлета ў цырымоніі, якая пройдзе ў 77-ю гадавіну атамнай бамбардзіроўкі горада 6 жніўня, прымуць удзел 3550 запрошаных гасцей.

ria.ru

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: