Павел Усаў: «Рускі мір» сыплецца

«Гандлявацца няма чым, спыніць вайну Пуцін не ў стане, бо яго адразу заб'юць свае. Бліцкрыг пераходзіць у стан паступовага "здыхання"», — разважае палітолаг Павел Усаў у сваім тэлеграме.

Фота з сайта antikor.com.ua

Фота з сайта antikor.com.ua

Відавочна, што Масква ўжо пагубілася з тым, якую выпрацаваць палітычную павестку сваіх дзеянняў ва Украіне.

На пачатку была поўная капітуляцыя і дэнацыфікацыя, суд над усімі "злачынцамі" (усёй элітай).

Потым, прызыў да ўкраінскага войска браць уладу ў свае рукі, бо кіраўніцтва "бЕндеровцы і наркаманы";

А зараз: “Прадстаўнік Крамля таксама запэўніў, што расійскае кіраўніцтва працягвае лічыць прэзідэнта Украіны Уладзіміра Зяленскага легітымным кіраўніком дзяржавы”. (Пяскоў)

Якая эквілібрыстыка. Калі Зяленскі легітымны кіраўнік дзяржавы, дык што ж вы ва Украіне робіце?

Можа заўтра рускія заявяць, што спецаперацыі паспяхова завершаная, Зяленскі і Украіна вызваленыя ад "бендераўцаў"?

"Рускі мір" сыплецца, ужо не ведаюць, што прыдумаць і як вылезці з багна.

Гандлявацца няма чым, спыніць вайну Пуцін не ў стане, бо яго адразу заб'юць свае.

Бліцкрыг пераходзіць у стан паступовага "здыхання", на колькі хопіць сіл. З надзеяй на тое, што Украіна і Захад стомяцца хутчэй — і тады можна шукаць кампраміс.

Дзеля гэтага бамбяць гарады, каб павялічыць патокі бежанцаў і прыдавіць гэтым Захад.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: