Аб гэтым паведамляе МЗС РФ у панядзелак.
Раней Польшча з аналагічнай фармулёўкай выслала з краіны некалькіх расійскіх дыпламатаў.
«Так, на вялікі жаль, польскія ўлады сапраўды зрабілі такі недружалюбны і нічым не абгрунтаваны крок. У сувязі з гэтым расійскім бокам здзейсненыя адэкватныя меры ў адказ, і шэраг
польскіх дыпламатаў ужо пакінулі тэрыторыю нашай краіны за дзейнасць, несумяшчальную з іх статусам», — заявілі ў расійскім МЗС.
У сярэдзіне кастрычніка польскія СМІ паведамілі аб планах кіраўніцтва краіны выслаць расійскіх дыпламатаў. У прыватнасці, газета Rzechpospolita пісала, што гэта звязана з затрыманнем польскага
афіцэра, які падазраецца ў шпіянажы на карысць Расіі.
Таксама, па дадзеных выдання, выдвараны з Польшчы могуць быць не толькі дыпляматы, але і некалькі расійскіх грамадзян, якія жывуць і працуюць на тэрыторыі краіны.
16 кастрычніка з'явілася інфармацыя аб тым, што польскія контрразведчыкі затрымалі двух чалавек па падазрэнні ў шпіянажы. Адзін з іх — высокапастаўлены афіцэр Войска Польскага, другі — юрыст з падвойным грамадзянствам. Афіцыйнай інфармацыі пра тое, на спецслужбы якой дзяржавы яны
працавалі, няма, аднак польскія СМІ пішуць, што гаворка ідзе пра расійскую выведку.
