Прэзідэнт Польшчы: Мы павінны быць гатовыя станавіцца на абарону Беларусі
Прэзідэнт Польшчы Анджэй Дуда на сустрэчы з прэзідэнтам Румыніі Клаусам Ёханісам заявіў, што Еўропа павінна быць гатовая да таго, каб абараняць Беларусь, перадае «Белсат».
Анджэй Дуда. Фота: Martin Divisek / EPA
«Мы б вельмі хацелі, каб Беларусь ішла ў кірунку дэмакратыі, каб яна заставалася суверэннай і незалежнай дзяржавай. Мы б хацелі, каб памкненні беларускага народа і ўсіх, хто жыве там, былі зрэалізаваныя. Але сітуацыя такая, якая ёсць. Мы павінны быць гатовыя станавіцца на абарону Беларусі на міжнародных пляцоўках», — заявіў Дуда.