Сёння ў ЕС могуць прызнаць сітуацыю на мяжы «гібрыднай вайной» і паскорыць увядзенне новых санкцый

Еўрапейскі Саюз блізкі да ўвядзення новых санкцый.

Новыя санкцыі будуць накіраваныя супраць каля трыццаці фізічных і юрыдычных асоб, уключаючы міністра замежных спраў Уладзіміра Макея і кампанію «Белавія». Верагодна, што яны будуць ухваленыя на наступным тыдні, піша REFORM.by са спасылкай на Reuters.

У сераду, у якасці вырашальнага кроку, 27 амбасадараў ЕС маюць намер афіцыйна пагадзіцца з тым, што рост колькасці мігрантаў на мяжы Беларусі з Польшчай з'яўляецца «гібрыднай вайной».

Краіны ЕС таксама разглядаюць магчымасць пашырэння эканамічных санкцый у дачыненні да Беларусі, уведзеных летам.