Валенса разам з Клічко ушанаваў ахвяраў Майдана і АТА
Нобелеўскі лаўрэат прэміі міру, дысідэнт і экс-прэзідэнт Польшчы Лех Валенса наведаў Кіеў, дзе з мэрам украінскай сталіцы Віталём Клічко прыняў удзел ва ўшанаванні герояў Майдана:
— Прыехаў з самым багатым чалавекам Польшчы, ён таксама думае, што тут зрабіць для Украіны яшчэ. Дакладна дапаможа тым людзям, у якіх такое няшчасце, якія з’яўляюцца героямі Украіны. Можаце верыць у тое, што Польшча зробіць усё, што магчыма. Я думаю, што Украіне патрэбная згода, маеце шмат прэтэнзій да сябе і слушна, вы павінныя быць разам, бо маеце знешняга ворага.
Лех Валенса не ўтрымаў слёз ускладаючы кветкі „Нябеснай сотні”. Таксама на Майдане Незалежнасці Клічко і Валенса выпусцілі ў неба галубоў, якія з’яўляюцца сімвалам міру.
Віталь Клічко і польскі госць таксама наведалі Галоўны клінічны шпіталь сталіцы, дзе лечацца параненыя ў час антытэрарыстычнай аперацыі ўкраінскія вайскоўцы.
Фота unian.net