Антырэкорд. Беларусы здабылі на Алімпіядзе найменшую колькасць узнагарод у гісторыі

Алімпійскія гульні ў сталіцы Францыі яшчэ працягваюцца, але беларускія спартсмены ўжо скончылі выступленні. Іх агульны медальны здабытак прагназавана аказаўся найменшым у гісторыі. Іх агульны медальны здабытак прагназавана аказаўся найменшым у гісторыі.

У Парыжы беларускія нейтральныя атлеты выйгралі ўсяго чатыры ўзнагароды: адну залатую, дзве срэбраныя і адну бронзавую.

Алімпійскім чэмпіёнам (ужо двухразовым) стаў Іван Літвіновіч, які спецыялізуецца ў скачках на батуце.

Віялета Бардзілоўская — таксама батутыстка — заняла другое месца.

Таксама серабро заваяваў прадстаўнік акадэмічнага веславання Яўген Залаты.

Сёння бронзавы медаль выграў цяжкаатлет Яўген Ціханаў, які падымаў штанку ў вагавай катэгорыі да 102 кг.

Нагадаем, на папярэдніх Гульнях беларусы здабылі 7 медалёў: адзін залаты, тры срэбраныя і тры бронзавыя. І эта таксама быў антырэкорд на той момант.

Пры гэтым, як вядома, у Алімпіядзе прыняла ўдзел найменшая колькасць беларускіх спартоўцаў — усяго 17 (напрыклад, у Токіа ў 2021 годзе спаборнічала 108).

Так сталася праз падтрымку рэжымам Лукашэнкі расійскай агрэсіі ва Украіне.

Міжнародны алімпійскі камітэт спачатку наклаў санкцыі на расійскі і беларускі спорт, але потым пагадзіўся дапусціць да Алімпіяды атлетаў у нейтральным статусе — як індывідуальных спартсменаў, без аніякага ўзгадвання пра іх дзяржаўную прыналежнасць.

І яшчэ такіх атлетаў адмыслова правяралі спецыяльнай камісіяй на прадмет магчымай падтрымкі злачыннай вайны і прыналежнасць да лукашэнкаўскіх сілавых структур. Гэта фільтр прайшлі не ўсе, праз гэта (і некаторыя іншыя прычыны) беларуская дэлегацыя ў Парыжы аказалася такой малалікай.

Нейтральны статус, роўнасць і братэрства. Беларусы едуць на Алімпіяду

У выніку ў Парыжы выступілі:

веласпорт: Ганна Цэрах;

скачкі на батуце: Іван Літвіновіч, Віялета Бардзілоўская;

цяжкая атлетыка: Сюзанна Валадзько, Яўген Ціханцоў;

барацьба: Абубакар Хаслаханаў; Магаметхабіб Кадзімагамедаў;

тхэквандо: Георгій Гурцыеў;

акадэмічнае веславанне: Яўген Залаты, Таццяна Клімовіч;

плаванне: Ілля Шымановіч, Анастасія Шкурдай, Аліна Змушко;

стральба: Дар'я Чупрыс, Аляксандра Пятрова;

веславанне на байдарках і каноэ: Уладзіслаў Кравец, Юлія Трушкіна.

Паводле ўмоў спаборніцтваў, нейтральныя спартсмены не ўключаюцца ў агульны медальны залік. Але калі б такая магчымасць захавалася, то месца нашых чуайчыннікаў было б у пятым дзясятку краін. І яно яшчэ можа стаць ніжэйшым, бо старты працягваюцца.

Гульні-2024 праходзяць у Парыжы з 26 ліпеня па 11 жніўня. За першая месца ў агульным заліку змагаюцца спартыўныя звышдзяржавы ЗША і Кітай. Выглядае, што вынік гэтай барацьбы вызначыцца толькі ў самыя апошнія імгненні Алімпіяды.