Беларусы будуць пікетаваць МАК у Швейцарыі

Беларуская дыяспара ў Швейцарыі ў пятніцу (23 кастрычніка) правядзе марш пратэсту «Спартыўныя трыбуны з Беларуссю» ў Лазане, дзе размяшчаецца штаб-кватэра Міжнароднага алімпійскага камітэту і іншыя спартыўныя міжнародныя федэрацыі.

Як піша «Трибуна» са спасылкай на insidethegames, марш плануецца пачаць у 16.00 па мясцовым часе (17.00 па мінскім) у Алімпійскім музеі і далей накіравацца да штаб-кватэры Міжнароднага алімпійскага камітэта.

Арганізатары заклікалі спартыўныя арганізацыі Швейцарыі падтрымаць дэманстрацыю, «накіраваўшы заяву ў МАК» з выкарыстаннем хэштэгу #StandWithBelarus .

Удзельнікі акцыі будуць патрабаваць у МАК, каб ён прыпыніў удзел прадстаўнікоў НАК Беларусі і Міністэрства спорту Беларусі ў любых афіцыйных мерапрыемствах, якія праводзяцца ў Швейцарыі ці арганізаваных швейцарскімі арганізацыямі і спартсменамі, уключаючы любыя анлайн-мерапрыемствы.

«Мы заклікаем Федэральнае ўпраўленне спорту і мясцовыя спартыўныя арганізацыі і інстытуты Швейцарыі, Спартыўныя клубы, каманды, фан-клубы, асацыяцыі і асобных спартсменаў асудзіць гвалт і рэпрэсіі супраць мірных удзельнікаў беларускіх пратэстаў і любы палітычна матываваны ціск на спартсменаў.

Мы хацелі б звярнуць увагу грамадскасці на злачынствы супраць чалавечнасці, якія працягваюцца грубыя парушэнні правоў чалавека і рэпрэсіі, якія здзяйсняюцца Лукашэнкам і яго рэжымам у Беларусі, і, у прыватнасці, на злачынствы, гвалт і рэпрэсіі, накіраваныя супраць беларускіх спартсменаў, членаў спартыўных каманд і прадстаўнікоў спартыўнай індустрыі Беларусі.

Патрабуем адмовіцца швейцарскіх спартсменаў і клубаў адмовіцца ад удзелу ў любых спартыўных мерапрыемстваў у Беларусі», — гаворыцца ў паведамленні.

Нагадаем, больш за 900 спартсменаў ужо падпісалі ліст з патрабаваннямі, у ліку якіх правядзенне новых выбараў і адстаўка Лукашэнкі.

Міжнародны алімпійскі камітэт (МАК) у цяперашні час расследуе заявы беларускіх спартсменаў, якія падвяргаюцца дыскрымінацыі з-за сваіх палітычных поглядаў, заявіў раней прэзідэнт МАК Томас Бах.

«Мы вельмі занепакоеныя інфармацыяй, якую мы атрымліваем», — сказаў Бах у час пасяджэння выканаўчага органа савета. «Мы чуем, што на самой справе спартсмены кажуць, што Нацыянальны алімпійскі камітэт дыскрымінуе іх толькі па палітычных прычынах», — адзначыў кіраўнік МАК.

«Недыскрымінацыя — важная каштоўнасць алімпійскага руху. Вось чаму мы так сур’ёзна ставімся да гэтага, — сказаў Бах. — Выканаўчы савет вырашыў, што мы ўзмоцнім наша расследаванне, каб вызначыць, ці выканаў НАК абавязацельствы ў адпаведнасці з алімпійскай Хартыяй».

Паводле tut.by