Акцыя да #БНР100 на Майдане Незалежнасці ў Кіеве

У цэнтры ўкраінскай сталіцы на Майдане Незалежнасці распачалася акцыя, прымеркаваная да 100-годдзя абвяшчэньня Беларускай народнай рэспублікі, перадае Радыё Свабода.

Акцыю ладзяць прадстаўнікі Беларускага цэнтру «Сябры», Тактычная група «Беларусь», дабрачынная арганізацыя «Міжнародны фонд «Валошка» ды руху салідарнасці «Разам».

Да святкавання далучыліся каля 100 украінцаў ды беларусаў. Салідарнасць зь беларусамі выказаў лідар добраахвотніцкага руху «Арганізацыя ўкраінскіх нацыяналістаў»​ Мікола Кахніўскі:

Падчас акцыі гучалі песні беларускага добраахвотніка Алеся Чаркашына, які загінуў на ўсходзе Украіны, Андруся Мельнікава.

Сярод удзельнікаў шмат украінцаў адзначылі, што святкаванне стагоддзя БНР ёсць вельмі важным, бо краіна мае быць вольнай. «Мы разам маем быць і падтрымліваць адзін аднаго», — сказаў кіяўлянін, які адмыслова прыйшоў на акцыю.

Пасьля акцыі на Майдане Незалежнасці ўдзельнікі акцыі ўскладуць кветкі да помнік Міхаілу Жызнеўскаму і Герою Нябеснай сотні Якаву Зайку — беларусу паводле паходжання, але грамадзяніну Украіны. Апроч таго, будзе ўшанаваная і памяць Вячаслава Чарнавіла, які быў галоўным ідэолагам і заснавальнікам Народнага руху Украіны.

Удзельнікі акцыі прайшлі пад бел-чырвона-белымі сцягамі з Майдана Незалежнасці да вуліцы Грушэўскага —месца гібелі беларуса Міхайла Жызнеўскага і ўсклалі кветкі.