Аўтара роліка «Давай, до свидания!» пасадзілі на пяць гадоў
Бакінскі суд па цяжкіх злачынствах прысудзіў журналіста Гілала Мамедава да пяці гадоў пазбаўлення волі. Адбываць пакаранне галоўны рэдактар газеты «Талышы Садо» будзе ў калоніі строгага рэжыму.
Гілал Мамедаў
Суд прызнаў Гілала Мамедава вінаватым па ўсіх інкрымінаваных артыкулах, паведамляе сайт contact.az.
Яго, нагадаем, абвінавачвалі ў дзяржаўнай здрадзе, распальванні міжнацыянальнай варожасці і незаконным гандлі наркотыкамі.
Калі суддзя зачытаў прысуд, людзі, якія знаходзіліся ў зале, пачалі скандаваць праклёны ў ягоны адрас. Сам Гілал Мамедаў заявіў, што «судзіць яго можа толькі Усявышні», і што
ён не мае намеру прасіць аб памілаванні. Адвакаты асуджанага ўжо заявілі пра намер падаць апеляцыю.
Журналіста абвінавацілі ў тым, што ў 1992 годзе ён быў завербаваны іранскімі спецслужбамі, а пазней актыўна садзейнічаў абвяшчэнню Талыш-Муганскай рэспублікі (яна была створана ў чэрвені 1993
года на тэрыторыі сямі паўднёвых раёнаў Азербайджана і фактычна спыніла сваё існаванне праз два месяцы). Гілал Мамедаў быў затрыманы паўтара гады таму. Падчас затрымання ў яго нібыта выявілі каля 33
грамаў гераіну.
Асуджаны з'яўляецца актыўным удзельнікам і адным з кіраўнікоў Талышскага нацыянальнага руху. На постсавецкай прасторы ён вядомы як аўтар папулярнага роліка «Давай, до
свидания!», у якім паказаная мейхана -— маўленчыя імправізацыі пад
музыку. Героі роліка абгыгрываюць фразу «Ты кто такой? Давай, до свидания». Ролік паглядзела больш за 6,5 мільёнаў чалавек.