Bild: На сакрэтнай канферэнцыі ў Літве абмяркоўвалі сцэнары Расіі без Пуціна

Як піша нямецкі таблоід, у Літве адбылася сакрэтная канферэнцыя, на якой абмяркоўвалі, як выкарыстоўваць уварванне Расіі ва Украіну для адхілення ад улады Уладзіміра Пуціна.

Адна са шматлікіх мапаў — варыянтаў распаду Расіі. Ілюстрацыйнае фота.

Адна са шматлікіх мапаў — варыянтаў распаду Расіі. Ілюстрацыйнае фота.


Паводле інфармацыі выдання, на сустрэчу прыехалі каля 70 удзельнікаў — былыя вядучыя палітыкі, эксперты, журналісты і праваабаронцы, у тым ліку тыя расійцы, якія даўно жывуць за мяжой, перадае АФН.

Карэспандэнт Bild пабываў на сходзе, арганізаваным міністрам замежных спраў Літвы Габрыелюсам Ландсбергісам. Ён адзначае, што на закрытым форуме ўдзельнікі не стрымліваліся ў выказваннях.

«Пуцін прынёс у Расію пуцінізм гэтак жа, як Гітлер зрабіў фашызм сацыяльна прымальным ў Германіі. Вось чаму сёння да Рэйху Пуціна трэба ставіцца, як да германскага рэйху ў гады вайны з 1939 па 1945 гады. Немцаў прыгнятаў Гітлер, гэтак жа, як расійцаў прыгнятае Пуцін, але абодва народы палегчылі гэта сваім дэспатам», — сказаў адзін удзельнік з Санкт-Пецярбурга.

«”Рускі мір” — гэта расісцкая ідэалогія. Людзі на Захадзе не аддаюць сабе ў гэтым справаздачу», — казаў адзін з удзельнікаў.

«Пуцін лічыць, што расійцы этнічна вышэй украінцаў, таму ён мае права адбіраць ва ўкраінцаў дом і падпарадкаваць іх. Таму патрэбна “дэпуцінізацыя” Расіі, і як мага хутчэй», — сказаў іншы ўдзельнік.

На канферэнцыі абмяркоўвалі тры магчымыя сцэнары «дэпуцінізацыі».

Першы і самы аптымістычны сцэнар: «Расія стане вялікай Украінай». Расколіны ў рэжыме прыводзяць да канца цяперашняга рэжыму, праводзяцца дэмакратычныя выбары, і Расія развіваецца па ўкраінскім шляху. Але гэта вельмі малаверагодна.

Сцэнар другі: Пуціна зрынаюць яго генералы ў арміі і спецслужбах, а на змену прыходзіць новы, менш ваяўнічы рэжым. Людзі, якія сабраліся, таксама бачылі ў гэтым магчымасць для Расіі. «Любыя змены — гэта крок наперад у цяперашняй сітуацыі», — сказаў адзін з удзельнікаў.

Сцэнар жаху: «Паўстанне знізу». Калі «цёмныя масы» паўстануць супраць рэжыму страху, адчаю і беднасці, узнікнуць умовы, падобныя на вайну, пачнуцца вулічныя баі ва ўсіх гарадах, а Расія распадзецца на многія рэспублікі.