Чэхія першай перадала Украіне цяжкае наступальнае ўзбраенне

Чэшская Рэспубліка адправіла цягніком ва Украіну некалькі дзясяткаў танкаў Т-72 і баявых машын пяхоты. Гэта дар чэшскай арміі, аб якім дамовіліся саюзнікі ў рамках Паўночнаатлантычнага альянсу, паведамляе беларускае радыё, прызнанае «экстрэмісцкім», са спасылкай на Echo24.

«Зафіксаваныя пастаўкі чэшскіх БМП і танкаў Т-72. Я веру, што мы зможам працягнуць гэтыя пастаўкі», — напісаў у Twitter дэпутат Ондржэй Бенешык.

Паведамляецца, што ва Украіну накіроўваецца да 40 танкаў Т-72. Гэта тэхніка старэйшага пакалення, яна не выкарыстоўвалася чэшскай арміяй, а ва ўкраінскай знаходзіцца на ўзбраенні.

Раней Прага ўжо адправіла ва Украіну зенітныя самаходныя ўстаноўкі 9К35М «Страла-10» — гэта савецкія сістэмы, з якімі ўкраінскія вайскоўцы маюць вопыт абыходжання. Чэшская армія пачала мадэрнізацыю і некалькі месяцаў таму замяніла іх шведзкімі RBS 70NG.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: