Выйшаў на волю берасйцейскі актывіст Алег Вялаў. Усе 12 сутак ён трымаў галадоўку

4 красавіка выйшаў на волю з ізалятара берасцейскі актывіст Алег Вялаў, які быў асуджаны за спробу ўскладання кветак да помніка Тарасу Шаўчэнку.

У знак пратэсту супраць несправядлівага прысуду ўсе 12 сутак, якія Алег Вялаў знаходзіўся ў ізалятары Ленінскага РАУС, ён правёў у галадоўцы на адной вадзе.

Увесь час знаходжання ў ізалятары яго стан кантралявалі медыкі.

У камеры, дзе знаходзіўся актывіст, не было ні матрацу, ні пасцельнай бялізны, ні магчымасьці ляжаць днём, ні магчымасці чытаць. Кожнай ноччу двойчы адбываліся праверкі, падчас якіх вязень павінен быў уставаць, называць сваё імя і артыкул, па якім ён асуджаны.