Дэмакратыя ў Грузіі «у небяспецы»

Замежжа

Міністр замежных спраў Грузіі Майя Панджыкідзэ заявіла аб адстаўцы. Разам з міністрам свае пасады пакінулі яе намеснікі —  Давід Залкаліяні, Тамара Беручашвілі, Давід Джалаганія і Уладзімір Гургенідзэ.



bear_and_hares.jpg

Панджыкідзэ заявіла, што наважылася на гэты крок пасля таго, як лідэр партыі «Свабодныя дэмакраты», да якой яна належыць, Іраклій Аласанія, быў адпраўлены прэм'ер-міністрам Грузіі ў адстаўку з пасады міністра абароны. «У гэтых умовах ясна, што міністра абароны пераследавалі па палітычных матывах, і гэта з'яўляецца нападам на празаходнія сілы ва ўрадзе Грузіі»,  —  прыводзіць агенцтва Trend яе словы. 
Панджыкідзэ — сябра партыі «Свабодныя дэмакраты», лідэрам якой з'яўляецца міністр абароны Грузіі Іраклій Аласанія, які падаў у адстаўку ў мінулы аўторак. 

Напярэдадні дзяржміністр па еўраінтэграцыі Алексі Петрыяшвілі таксама зрабіў заяву аб сваёй адстаўцы. Пра гэта ён сам заявіў у прамым эфіры тэлеканала «Маэстра», абвясціўшы, што дэмакратыя ў краіне ў небяспецы і «набліжаецца дыктатура». Такую заяву Петрыяшвілі зрабіў, даведаўшыся аб адстаўцы свайго калегі, міністра абароны Грузіі Іраклія Аласанія. Па словах самога Аласанія, яго адстаўка звязаная з дзеяннямі сіл, якія маюць намер супрацьстаяць заходняму курсу Грузіі. 


Мясцовыя эксперты не выключаюць, што пасаду міністра юстыцыі пакіне і Тэя Цулукіані, якая з'яўляецца сябрам партыі «Свабодныя дэмакраты». 
Сёння ж прэм'ер-міністр Грузіі Іраклій Гарыбашвілі прадставіў новага міністра абароны краіны Міндэн Джанелідзэ. «Гэта дастойная кандыдатура і ён будзе лепшым міністрам, чым яго папярэднік. Ён сапраўдны прафесіянал», — падкрэсліў прэм'ер. 
Да прызначэння міністрам Джанелідзэ займаў пасаду кіраўніка Рады па нацыянальнай бяспецы і кіраванні крызісамі. Ён юрыст, скончыў інстытут бяспекі, факультэт контрвыведкі, палкоўнік. Раней ён працаваў кіраўніком дэпартамента контрвыведкі МУС Грузіі. Валодае расійскай, англійскай і турэцкай мовамі. 
Між тым сам звольнены Аласанія заявіў у эфіры тэлекампаніі «Руставі 2», што рашэнне адправіць яго ў адстаўку было «нечаканым, але не пазбаўленым логікі». «Заўтра на камісіі НАТА — Грузія павінны разглядацца пытанні імплементацыі прапанаванага нам альянсам пакета дзеянняў, і маё звальненне, безумоўна, можа адбіцца на ходзе маючага адбыцца пасяджэння», — заявіў Аласанія. 
Паводле яго слоў, пэўныя сілы ў Грузіі «мэтанакіравана б'юць па галоўнай злучнай ланцуга з НАТА — міністэрству абароны». «Сёння відавочна, што ўсе празаходнія сілы ў Грузіі павінны згуртавацца. Цяпер час паказаць нашым партнёрам, што грамадства згуртаванае вакол празаходняга курсу Грузіі, паказаць, што дзяржаўны сабатаж, які адбываецца ва Украіне, у Грузіі не пройдзе»,  —  заявіў Аласанія.
newsru.com