Эстонія, Бельгія і Балгарыя закрылі доступ да сваіх партоў судам пад расійскім сцягам

Колькасць партоў, недаступных для судоў пад расійскім сцягам, павялічваецца: з нядзелі, 17 красавіка, свае парты для іх закрылі Эстонія і Бельгія, паведамляе «Коммерсант».
Эстонія і Бельгія ў сваёй забароне зрабілі выключэнні. Яны прадугледжаны для караблёў, якія церпяць бедства, маюць патрэбу ў гуманітарнай дапамозе, а таксама судоў, якія перавозяць энерганосьбіты, прадукты харчавання і лекі ў краіны ЕС.

З 16 красавіка такую ​​ж забарону ўвяла Балгарыя. Яна датычыцца ўсіх караблёў, зарэгістраваных пад расійскім сцягам, а таксама судоў, якія змянілі расійскі сцяг або рэгістрацыю на любую іншую дзяржаву пасля 24 лютага.

Нагадаем, раней свае парты для судоў пад расійскімі сцягамі закрылі Італія, Румынія і Літва. Адпаведнае патрабаванне аб закрыцці партоў уваходзіць у пяты пакет санкцый Еўрасаюза супраць Расіі, прыняты 8 красавіка.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: