Расія вымушана замарозіць вытворчасць зенітна-ракетных комплексаў праз санкцыі

Пра гэта паведамляе Галоўнае ўпраўленне выведкі Міністэрства абароны Украіны.

Расія вымушана замарозіць вытворчасць зенітна-ракетных комплексаў праз санкцыі. Рабочым даецца выбар: пайсці ў неаплатны адпачынак або на вайну.
Фактычна спыненая вытворчасць Ульянаўскага механічнага завода, які вырабляе радыёлакацыйныя сістэмы і сродкі супрацьпаветранай абароны для расійскай арміі.
Да нядаўняга часу асноўным пастаўшчыком была Германія. Але з пачаткам поўнамаштабнага ўварвання ва Украіну супрацоўніцтва было спынена.
Паводле слоў супрацоўнікаў УМЗ, завод не можа працягваць вытворчасць самастойна, бо ў тэхналагічным працэсе не выкарыстоўваецца «амаль нічога расійскага». Цяпер кіраўніцтва завода шукае магчымасці абысці санкцыі і наладзіць пастаўкі праз трэція краіны, у прыватнасці Казахстан. Але такія схемы прыводзяць да значнага росту кошту запчастак.