Еўракамісар Фюле здзіўлены фінансавымі запытамі Януковіча

Замежжа

Еўракамісар па пытаннях пашырэння і еўрапейскай палітыкі суседства Штэфан Фюле здзіўлены сумай, якую называе Украіну, калі заяўляе аб неабходнасці кампенсацыі страт у выпадку падпісання пагаднення аб асацыяцыі з ЕС.



fiulie.jpg

Пра гэта Фюле заявіў у час бізнес -форуму ў Вільні, які праходзіць у рамках саміту праграмы ЕС «Усходняе партнёрства».
Па словах Фюле, сума 160 мільярдаў даляраў, якую раней агучвалі прэм'ер -міністр Украіны Мікалай Азараў і прэзідэнт Віктар Януковіч, «непрапарцыйная і не заслугоўвае даверу».
«Такія выдаткі, якія нам назвала Украіна, супярэчаць вопыту далучэння іншых краін», — заявіў Фюле.

«Я расчараваны тым, што грошы, якія патрэбны для мадэрнізацыі эканомікі, агучваюцца як выдаткі, а не як інвестыцыі. І наколькі я разумею, гэта выдаткі на бяздзейнасць і стагнацыю эканомікі», — рэзка адзначыў еўракамісар.


Разам Фюле таксама адзначыў, што Еўрапейскі саюз застаецца на сваіх пазіцыях аб неабходнасці забеспячэння росту дабрабыту грамадзян Украіны і назваў гэтую пазіцыю ЕС «жорсткай і упэўненай».
На бізнэс-форуме Украіну прадстаўляе першы віцэ-прэм'ер Сяргей Арбузаў.
radiosvoboda.org