Латвія і Эстонія запускаюць каналы контрпрапаганды

У Еўропе пачалася барацьба з расійскай прапагандай.



Пасля сустрэч прадстаўнікоў Украіны з дыпламатамі і чыноўнікамі замежных дзяржаў пачалася барацьба міжнароднай супольнасці з расійскай прапагандай.

Пра гэта падчас брыфінгу заявіў міністр інфармацыйнай палітыкі Юрый Стэць, паведамляе "Укрінфарм".

«Дзякуй Богу, з расійскай прапагандай пасля таго, як мы правялі шэраг сустрэч з дыпламатамі, прадстаўнікамі іншых краін, пачалі змагацца ў свеце. Гэта датычыцца і спецыяльна створанага дэпартамента камісіі, якую ўзначальвае Могерини, гэта тычыцца іншых краін», — сказаў Стэць.

У прыватнасці, паводле яго слоў, з гэтай мэтай у жніўні ў Эстоніі пачынае вяшчанне рускамоўны тэлеканал, які будзе фінансавацца з дзяржаўнага бюджэту гэтай краіны. Падобны тэлеканал плануецца стварыць і ў Латвіі.