На вуліцах Барселоны з'явіліся белыя мядзведзі (фота)

Мастакі намалявалі арктычнае графіці на сцяне даўжынёй больш за 600 метраў.

Асноўная мэта графіці — прыцягнуць увагу грамадскасці да пагрозы, якая навісла над домам белых мядзведзяў, маржоў, кітоў, паведамляе «Грынпіс». З-за змянення клімату Арктыка награваецца ўдвая хутчэй, чым планета ў сярэднім, і хутка губляе лядовае покрыва.

Паводле дадзеных са спадарожнікаў, плошча лядовага покрыва Арктыкі па стане на 24 сакавіка 2016 года склала 14,52 млн км2. Годам раней гэты паказчык быў роўны 14,54 млн км2.

Арктыка — глабальны індыкатар змены клімату. Яна награваецца ў два разы хутчэй, чым астатняя частка планеты, і з 1980 года Зямля страціла прыкладна 40% яе ледзянога покрыва. У 2015 годзе плошча марскога лёду ў Арктыцы дасягнула свайго гадавога мінімуму. Гэта значэнне стала чацвёртым самым нізкім за ўсю гісторыю назіранняў.

Дарэчы, любы жадаючы можа далучыцца да руху па абароне Арктыкі.
Паводле Зялёнага парталу