На поўдні Расіі пачаліся буйныя артылерыйскія вучэнні
На поўдні Расіі пачаліся буйныя вучэнні ракетных войскаў і артылерыі, паведамляюць агенцтвы са спасылкай на прэс-службу Паўднёвай ваеннай акругі.
"Пачаліся палявыя выхады ракетных войскаў і артылерыі на 19 палігонах", — адзначылі ў ведамстве.
Вучэнні таксама будуць праходзіць на расійскіх вайсковых базах ў Арменіі, у Абхазіі і Паўднёвай Асеціі, а таксама ў анэксаваным Крыме.
У вучэннях возьмуць удзел каля васьмі тысяч вайскоўцаў і больш за 1,5 тысячы адзінак ваеннай тэхнікі.
Паведамляецца, што ў ходзе планавых вучэнняў ваенныя правядуць стральбы па адзінкавым і групавым цэлям з найноўшых самаходных гармат "Хоста", а таксама рэактыўных сістэм залпавага
агню "Тарнада-Г".