Народнае Веча на Майдане пачалося з малітвы

Народнае веча на Майдане Незалежнасці пачалі з малітвы. Cа сцэны выступілі прадстаўнікі духавенства.



Прадстаўнік праваслаўнай царквы павіншаваў усіх вернікаў са святам Богаяўлення, а святар УГКЦ пракаментаваў нядаўнія пагрозы ў адрас УГКЦ з боку СБУ і Мінадукацыі.
 
 
«Гэта няпросты для нас час, асабліва няпросты для нашай грэка-каталіцкай царквы. Сёння, тут перад вамі, хацеў бы сказаць такую ​​рэч —  цэрквы і рэлігійныя арганізацыі ва Украіне згодна з Канстытуцыяй аддзелены ад дзяржавы. Цэрквы не агітуюць за палітычныя партыі, не ўтвараюць іх, не фінансуюць і не высоўваюць сваіх кандыдатаў, але згодна з дзейным заканадаўствам аб свабодзе сумлення, цэрквы маюць права ўдзельнічаць у грамадскім жыцці і ніхто нашу актыўнасць нам забараніць не можа. Таму што гэта забарона правоў чалавека і міжнароднага права»—  адзначыў сьвятар УГКЦ.
 
 
На Народнае веча збіраецца ўсё больш людзей — па дадзеных відавочцаў, некалькі дзясяткаў тысяч кіяўлян і гасцей горада ўжо сабралася на галоўнай плошчы Украіны.
 

gazeta.ua

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: