Польскі прэм'ер раскрытыкаваў венгерскага за заяву пра Украіну
Кіраўнік польскага ўраду Дональд Туск сёння раскрытыкаваў прэм'ер-міністра Венгрыі Віктара Орбана за яго заяву аб неабходнасці аўтаноміі для венграў, якія жывуць ва Украіне. Пра гэта Туск сказаў сёння на прэс-канферэнцыі ў Варшаве, паведамляе УНІАН.
Дональд Туск. Фота ro.com.pl
"Усведамляючы клопату пра суграмадзян за межамі ўласнай дзяржавы прэм'ера Орбана (... ), разам з тым мы павінны звяртаць увагу, каб ніякім чынам — з намерам або без —
не падтрымліваць дзеянняў сепаратыстаў, якіх падтрымлівае Расія і відавочнай мэтай якіх з'яўляецца разбурэнне Украінскай
дзяржавы", — сказаў Туск.
Ён назваў "няўдалымі" выказванні Орбана,
якія былі выказаныя ў "няздатным месцы і ў непадыходны час".
Туск заявіў, што Польшча плануе ўплываць на
сваіх краін-суседзяў такім чынам, каб іх дзеянні не нашкодзілі тэрытарыяльнай цэласнасці Украіны.
Польскі прэм'ер адзначыў, што плануе публічна пра гэта казаць падчас бліжэйшай сустрэчы з Орбаном, якая адбудзецца 15 мая ў Браціславе ў рамках саміту GLOBSEC, у якім таксама прыме ўдзел кіраўнік украінскага ўрада Арсень Яцанюк.