Расійскае эмбарга банкрутуе польскіх транспартнікаў
Найбольш эмбарга закранула фірмы з Малапольшчы і Падкарпацкага ваяводства.
Фота www.fakt.pl
З дадзеных кампаніі Eurler Hermes вынікае, што сёлета вырасла лічба банкруцтваў сярод фірмаў, чым у папярэднім годзе.
Эксперты кампаніі тлумачаць, што найбольш асабліва гэта закранула паўднёва-ўсходнія раёны Польшчы. Тут банкруцтва аб'яўляюць не толькі вытворчыя фірмы, але і транспартныя кампаніі. Блізкасць ўсходняй мяжы прывяла да таго, што мясцовыя прадпрымальнікі спецыялізаваліся ў экспарце і перавозцы грузаў на расійскі рынак.
Цяпер у іх пачаліся праблемы. Прычына — увядзенне Крамлём эмбарга на пастаўкі харчовых тавараў з Захаду ў Расію.
Яны датычаць як кампаній з абаротам каля 20 мільёнаў злотых, так і невялікіх сямейных кампаній, якія раптоўна страцілі замовы на перавозкі. Яны проста знікаюць, спыняюць актыўнасць у чаканні на лепшыя часы ды рынкавыя ўмовы.