Стакгольм бунтуе па начах
Стакгольме чацвёртую ноч запар працягваюцца масавыя хваляванні. Удзельнікі хваляванняў выказваюць сваю незадаволенасць інцыдэнтам тыднёвай даўнасці, калі шведскія паліцыянты застрэлілі
69-гадовага жыхара шведскай сталіцы, узброенага мачэтэ.
Пратэстоўцы ўпэўнены, што паліцыянты перавысілі свае паўнамоцтвы, праявілі празмерную жорсткасць і заслугоўваюць пакарання. Мясцовых жыхароў таксама абурыла, што паліцыянты, па некаторых звестках,
дэзынфарміравалі насельніцтва: яны паведамілі, што мужчына памёр у бальніцы, але суседзі кажуць, што хуткая за ім не прыязджала і яго забралі адразу ў морг.
Пасля інцыдэнту мясцовыя жыхары задаліся пытаннем, няўжо паліцыянты не маглі абысціся без забойства: «Гэта быў стары чалавек з нажом супраць цэлай групы трэніраваных і ўзброеных
афіцэраў. Няўжо яны сапраўды былі вымушаны яго забіць?»
Апроч гэтага, як адзначаюць мясцовыя журналісты, у прыгарадзе даўно капілася сацыяльная незадаволенасць: раён займае трэцяе месца па колькасці выпускнікоў школы, якія заканчваюць вучобу з кепскімі
адзнакамі і са школьнага ганка трапляюць адразу ў лік беспрацоўных.
Беспарадкі пачаліся ў мінулую нядзелю ў мікрараёне Хусбю на захадзе Стакгольма. Группа з прыкладна 60 маладзёнаў выйшла на вуліцы ўначы і пачала падпальваць машыны. Яны таксама закідвалі паліцыянтаў
камянямі і бутэлькамі. У ноч на аўторак хваляванні працягнуліся, пры гэтым набылі яшчэ больш пагрозлівы маштаб. У чацвер беспарадкі перакінуліся і на паўднёвыя ўскраіны шведскай сталіцы.
Па матэрыялах замежнай прэсы