Трамп хоча памілаваць самога сябе — NYT

Упершыню амерыканскі лідар загаварыў пра свой намер пасля прэзідэнцкіх выбараў, якія адбыліся 3 лістапада 2020 года.



Дзеючы прэзідэнт ЗША Дональд Трамп разглядае і абмяркоўвае з памочнікамі магчымасць памілавання самога сябе да сыходу з пасады кіраўніка дзяржавы. Пра гэта ў чацвер, 7 студзеня, паведаміла газета The New York Times.

Пасля выбараў 3 лістапада кіраўнік Белага дома некалькі разоў заяўляў найбліжэйшаму атачэнню, што хоча памілаваць сябе ў апошнія дні прэзідэнцкага тэрміну, аднак не ўпэўнены, ці варта яму так рабіць.

Пры гэтым некаторыя крыніцы газеты дапускаюць, што Трамп ужо рыхтуецца зрабіць гэты крок — пасля беспарадкаў у будынку Капітолія.

У той жа час у артыкуле The New York Times не паведамляецца, якіх абвінавачванняў баіцца амерыканскі лідар.

Яшчэ ні адзін прэзідэнт ЗША не абвяшчаў пра ўласнае памілаванне, таму такі крок Трамп, калі ён яго зробіць, створыць "небяспечны прэцэдэнт", адзначае NYT. Акрамя таго, аўтары артыкула звяртаюць увагу, што прэзідэнцкае памілаванне распаўсюджваецца толькі на тыя злачынствы, у якіх чалавека абвінавацілі федэральныя ўлады краіны, а не ўлады штатаў.

Паводле korrespondent.net