Twitter заблакаваў ролік Трампа

Відэафайл перадвыбарнай кампаніі прэзідэнта ЗША, прысвечаны памяці забітага паліцыяй Джорджа Флойда і пратэстаў у краіне, быў заблакаваны як той, што парушае аўтарскія правы.

Адміністрацыя Twitter заблакавала відэаролік перадвыбарнай кампаніі прэзідэнта ЗША Дональда Трампа, прысвечаны памяці афраамерыканца Джорджа Флойда, у сувязі з тым, што на яго была пададзеная скарга аб парушэнні аўтарскіх правоў. Пра гэта ў чацвер, 4 чэрвеня, паведамляе The Hill.

Адзначаецца, што відэаролік, які доўжыцца амаль чатыры хвіліны, суправаджаецца прамовай Трампа, з якой ён выступіў праз некалькі дзён пасля смерці Флойда. Спачатку Трамп кажа пра «вялікую трагедыю», затым — пра «гвалт і анархію» з боку «радыкальных левых груповак» і працу праваахоўных органаў. Ягоныя словы суправаджаюць фатаграфіі мірных пратэстаў, а таксама ролікі і здымкі з беспарадкаў, якімі заканчваліся дэманстрацыі.

Паводле выдання, да таго, як сэрвіс заблакаваў гэты відэаролік, ім паспелі падзяліцца ў сваім афіцыйным акаўнце сам амерыканскі прэзідэнт, яго сын Дональд Трамп-малодшы і каля сямі тысячы карыстальнікаў сацсеткі. Зараз гэта відэа цяпер паглядзець немагчыма. Twitter адзначыў медыяфайл як «заблакаваны ў сувязі са скаргай праваўладальніка».

Пасля блакавання відэароліка каманда прэзідэнта ЗША ў Twitter абвінаваціла сацыяльную сетку і яе заснавальніка Джэка Дорсі ў цэнзураванні «жыццесцвярджальнага і аб'яднаўчага паслання ад прэзідэнта Трампа» і заклікала падпісчыкаў «зрабіць вірусным» той жа ролік, размешчаны на Youtube. Акрамя таго, прадстаўнікі перадвыбарнай кампаніі ўжо звярнуліся ў кампанію Twitter, каб даведацца, хто падаў скаргу на відэа і як менавіта яно парушае аўтарскае права.

Паводле korrespondent.net