У афіцыйных паведамленнях улады больш не называюць сталіцу Нур-Султан

Назва сталіцы Казахстана Нур-Султан перастала гучаць у афіцыйных паведамленнях, піша «ВВС».

Улады Казахстана перасталі выкарыстоўваць назву сталіцы краіны Нур-Султан у афіцыйных паведамленнях. На гэта звярнулі ўвагу некаторыя СМІ і тэлеграм-каналы.

У навінах і афіцыйных інфармацыйных зводках горад цяпер называюць проста «сталіцай» або «сталіцай Казахстана».

Новая сталіца, Астана, была перайменаваная ў Нур-Султан у 2019 годзе, калі Нурсултан Назарбаеў саступіў месца прэзідэнта Касым-Жамарту Такаеву.

Ад самага пачатку пратэстаў былы прэзідэнт Казахстана Нурсултан Назарбаеў ні разу не з'яўляўся на публіцы і ніяк не выказаўся наконт падзей у краіне.

Зрэшты, выданне Orda.kz паведамляе, што Назарбаеў пакінуў Казахстан, разам з ім паляцелі яго дочкі з сем'ямі. Пацвярджэння гэтай інфармацыі ад афіцыйных асоб пакуль няма.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: