У цэнтры Рыма адбыўся выбух
У цэнтры Рыма ў пятніцу, 12 мая, адбыўся выбух, паведамляюць італьянскія СМІ са спасылкай на паліцыю.
Выбух адбыўся ля паштовага аддзялення на рымскай вуліцы Мармората (архіўнае фота GOOGLE STREET VIEW)
Адзначаецца, што ахвяр і пацярпелых у выніку інцыдэнту няма.
Па дадзеных інфармагенцтва АНСА, выбух адбыўся ля ўваходу ў паштовае аддзяленне. Таксама паведамляецца, што ў выніку пашкоджаны прыпаркаваны побач аўтамабіль.
Агенцтва сцвярджае, што ў дзеянне было прыведзена самаробнае выбуховае прыстасаванне, закладзенае паміж дзвюма машынамі. Пакуль не вядома, хто і навошта яго заклаў.
У сваю чаргу, тэлеканал “RAI News” сцвярджае, што, па словах відавочцаў, выбухаў было два. У паліцыі тэлеканалу заявілі, што цалкам кантралююць сітуацыю.
Паводле ВВС