У раёне Алепа аднавіліся бамбаванні
У сірыйскім горадзе Алепа аднавіліся авіяўдары, паведаміў Сірыйскі цэнтр маніторынгу за выкананнем правоў чалавека, які знаходзіцца ў Англіі са спасылкай на інфармацыю, атрыманую ад мясцовых жыхароў.
Бамбаванні Алепа сталі адной з прычын, па якой праваабаронцы заклікалі да аб'явы перамір'я і эвакуацыі з горада
Па паведамленні актывістаў, удары былі нанесеныя на захад, паўднёва-захад і поўдзень ад горада, які сірыйская армія адбіла ў паўстанцаў.
Інфармацыі пра ахвяраў і пацярпелых у выніку нібыта здзейсненых нападаў у праваабаронцаў няма.
Калі дадзеныя цэнтра верныя, то авіяўдары сталі першай праявай актыўных баявых дзеянняў у раёне Алепа з моманту заканчэння эвакуацыі з горада.
У чацвер 22 снежня Міжнародны камітэт Чырвонага Крыжа (МКЧК) паведаміў аб завяршэнні эвакуацыі з Алепа і двух вёсак у правінцыі Ідліб, якія былі заблакаваныя байцамі апазіцыі.
«Усе мірныя жыхары, якія хацелі эвакуявацца, а таксама параненыя і паўстанцы былі эвакуіраваны», — заявіла афіцыйны прадстаўнік арганізацыі Крысці Армстронг.
Усяго па дадзеных МКЧК былі эвакуяваны больш за 36 тысяч мірных жыхароў, хворых і параненых. Магчымасць выйсці з Алепа атрымалі і паўстанцы.
Эвакуацыя з Алепа пачалася 15 снежня, калі канфліктуючыя бакі пры пасярэдніцтве Расіі і Турцыі дасягнулі дамоўленасці аб спыненні агню.
Сірыйскія ўлады тым часам заявілі, што блакада Алепа завяршылася поўным ўзяццем горада ўрадавымі войскамі.
На гэтым фоне Расія перакінула ў Алепа батальён ваеннай паліцыі.
Паводле BBC