У Расіі за тыдзень эвакуявалі 400 тысяч чалавек

Пасля ананімных званкоў аб нібы закладзеных бомбах у Расіі за тыдзень эвакуявалі каля 400 тысяч людзей.

 
www.mk.ru, фота НГенадзь Чаркасаў

www.mk.ru, фота НГенадзь Чаркасаў


Пра гэта са спасылкай на неназваную крыніцу ў сілавых структурах паведамляе ТАСС.

Усяго, паводле дадзеных агенцтва, эвакуявалі больш за тысячу будынкаў у 80 гарадах. Ні адно паведамленне пра пагрозу выбуху не пацвердзіўся.

Хваля эвакуацыі пасля ананімных званкоў пачалася 11 верасня. У дзясятках расійскіх гарадоў эвакуявалі школы, універсітэты, адміністрацыйныя будынкі, гасцініцы, аэрапорты, вакзалы і гандлёвыя цэнтры.

Пасля эвакуацыі ў рэгіёнах распачалі справы аб ілжывым паведамленні пра пагрозу. Паводле дадзеных РБК, такое ж расследаванне вядзе ФСБ. Выданне паведамляла, што следчыя адсачылі ананімныя званкі праз IP-тэлефоны да Бруселя. Паводле папярэдняй версіі, злачынцы хацелі зарабіць у абмен на спыненне званкоў.
Кіраўнік МНС Уладзімір Пучкоў запэўніў, што эвакуацыі праводзяцца не ў рамках вучэнняў.

Паводле meduza.io


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: