У Жэневе пачаліся перамовы Расіі і ЗША па гарантыях бяспекі

У Жэневе пачаўся асноўны этап расійска-амерыканскіх перамоваў, прысвечаных гарантыям бяспекі. Сустрэча праходзіць у закрытым фармаце на тэрыторыі амерыканскага пастпрадства пры аддзяленні ААН.

Расійскую дэлегацыю ўзначалілі намеснік міністра замежных спраў Сяргей Рабкоў і намеснік міністра абароны Аляксандр Фамін. Дэлегацыю ад ЗША — першы намеснік дзяржсакратара ЗША Уэндзі Шэрман.
Напярэдадні бакі правялі папярэднія перамовы па пытаннях бяспекі ў Еўропе ў рамках дзелавой вячэры. Рабкоў заявіў, што «размова была складаная, але дзелавая». Іншых падрабязнасьцяў ён не паведаміў.
У Дзярждэпартаменце ЗША паведамілі, што Шэрман падчас папярэдняй сустрэчы падкрэсліла прыхільнасць Вашынгтона «міжнародным прынцыпам суверэнітэту і свабоды суверэнных нацый выбіраць сабе саюзнікаў».
Перамовы аб гарантыях бяспекі ў Еўропе пачаліся пасля паведамленняў аб сцягванні расійскіх войскаў да межаў Украіны. Захад асцерагаецца магчымага ўварвання Расіі на тэрыторыю краіны. Масква гэта адмаўляла і называла паведамленні аб падрыхтоўцы да ваенных дзеянняў ва Украіне «беспадстаўным нагнятаннем напружанасці».
Чакаецца, што асноўнай тэмай перамоваў стане праект дамовы аб гарантыях бяспекі, які РФ накіравала ЗША і іх саюзнікам. Расійскія ўлады, сярод іншага, прапанавалі выключыць далучэнне Украіны і іншых постсавецкіх краін да альянсу. Вашынгтон яшчэ да пачатку перамоваў не пагадзіўся з некаторымі прапановамі Масквы.
Гарантыі бяспекі таксама абмяркуюць на пасяджэннях Савета Расія — НАТА ў Бруселі і пастаяннага савета АБСЕ ў Вене, якія пройдуць 12 і 13 студзеня.
meduza.io