ЗША ўхвалілі выдзяленне тысяч віз для грамадзян Афганістана

Ужо ў гэтым месяцы ЗША пачнуць эвакуацыю суіскальнікаў спецыяльнай іміграцыйнай візы з Афганістана.

Палата прадстаўнікоў Кангрэса ЗША ўхваліла прадастаўленне 8000 спецыяльных іміграцыйных віз для грамадзян Афганістана. Пра гэта паведамляе korrespondent.net.

Праграма спецыяльнай іміграцыйнай візы даступная афганцам, якія працавалі з урадам ЗША ці амерыканскімі ўзброенымі сіламі. Адзначаецца, што са снежня 2014 года ЗША выдалі 26 500 такіх візаў.

Пагроза для гэтых афганцаў і іх сем'яў паўстала пасля таго, як ЗША пачалі вывад войскаў з Афганістана. Асцярогі таксама ўзмацніліся ў сувязі з абвастрэннем баявых дзеянняў паміж афганскімі сіламі, якія падтрымлівалі ЗША, і радыкальным рухам "Талібан". У апошнія тыдні баевікі захопліваюць усё новыя тэрыторыі і памежныя пераходы.

Ужо ў гэтым месяцы ЗША пачнуць эвакуацыю суіскальнікаў спецыяльнай іміграцыйнай візы з Афганістана. Першая група будзе дастаўленая на ваенную базу ў Вірджыніі.