Галоўны санітарны лекар Беларусі абмежаваў пастаўкі некаторых прадуктаў з Расіі

Нядаўна Аляксандр Лукашэнка пашырыў паўнамоцтвы Міністэрства гандлю і санстанцыі. Першым прыступіла да працы Мінгандлю, зачыніўшы сем крам буйных рытэйлераў бытавой тэхнікі і электронікі. Непапулярныя рашэнні галоўнага дзяржаўнага санітарнага лекара Беларусі не прымусілі доўга чакаць.



У пятніцу Ігар Гаеўскі прыпыніў абарачэнне на тэрыторыі краіны шэрагу прадуктаў харчавання з Расіі і Літвы. Інфармацыя пра гэта размешчана на сайце санітарна-эпідэміялагічнай службы Мінска.
У адпаведнасці з пастановай намесніка міністра аховы здароўя — галоўнага дзяржаўнага санітарнага лекара Беларусі № 60 прыпынена абарачэнне на тэрыторыі краіны макароны хуткага прыгатавання «Залатая локшына», «Лагман па-дунганску» і «Біг Ланч» вытворчасці расійскай кампаніі «БіяФуд». Прычына — неадпаведнасць дадзеных харчовых прадуктаў нормам нацыянальнага заканадаўства ў галіне санітарна-эпідэміялагічнага дабрабыту насельніцтва і тэхнічнаму рэгламенту Мытнага саюза «Аб бяспецы харчовай прадукцыі» па мікрабіялагічных паказчыках (па змесце бактэрый групы кішачнай палачкі, дрожджаў і плесеней).
Пастановай № 61 прыпынена абарачэнне ў Беларусі кавы натуральнай молатай «мокко» вытворчасці расійскай кампаніі «Пауліг Рус». Камень спатыкнення — афлатаксін В1.
Раней пастановай Гаеўскага быў прыпынены транзіт напою віннага газаванага Bosca Anniversary вытворчасці літоўскай кампаніі «Босліта і Ко», а таксама вываз гэтай прадукцыі з тэрыторыі Беларусі на тэрыторыю РФ. Дадзенае рашэнне было прынята пасля таго, як Расспажыўнагляд з 8 сьнежня прыпыніў увоз на тэрыторыю Расіі вышэйзгаданай прадукцыі. Прычына — неадпаведнасць патрабаванням, што прад'яўляюцца да маркіроўкі прадукцыі, арганалептычных паказчыках, зместу фталатаў.
3 сьнежня Аляксандр Лукашэнка, выступаючы на нарадзе аб прынятых мерах па зняцці забаронаў на ўвоз беларускай прадукцыі ў Расію і транзіт тавараў «санкцыйнага спісу», усумніўся ў якасці тавараў, якія паступаюць у Беларусь з РФ.
news.tut.by