Падача электраэнергіі на аб'екты ЧАЭС з Беларусі прыпынена

У сувязі з тым, што ўкраінскі бок падключыў аб'екты ЧАЭС да сваёй энергасістэмы, падача электраэнергіі на станцыю з Беларусі больш не ажыццяўляецца, паведамляе Мінэнерга.

czaes_1.jpg

Рашэнне аб спыненні электразабеспячэння ЧАЭС ад беларускай энергасістэмы прынята па ініцыятыве ўкраінскага боку, паведамляе ведамства.
Таксама ў Мінэнерга заяўляюць, што з моманту ўзнікнення тэхнагеннай пагрозы на Чарнобыльскай АЭС Беларусь зрабіла ўсё магчымае для арганізацыі бесперабойнага і надзейнага электразабеспячэння аб'ектаў станцыі, і, адпаведна, забеспячэння бяспекі ў рэгіёне:

  • па даручэнні кіраўніка дзяржавы была пастаўлена пад напружанне лінія электраперадачы Мазыр — Чарнобыльская АЭС,
  • у неабходных аб'ёмах ажыццёўлены пастаўкі электраэнергіі на ЧАЭС — за сакавік-красавік гэта 12,5 млн.кВтг.